გაკვეთილის გეგმა-იაკობ გოგებაშვილის "ჩემი სოფელი"

გაკვეილის ავტორი	ელისო ჯანელიძე
სწავლების საფეხური	დაწყებითი- ІVკლ.
გაკვეთილის თემა	იაკობ გოგებშვილი „ჩემი სოფელი“
მოსწავლეთა რაოდენობა	10,
მიზნები	1.შეძლებენ აღწერითი ხასიათის ტექსტის წაკითვას და გაგებას; 2.შექმნიან მარტივ დარგობრივ/საინფორმაციო ტექსტს .
სტანდარტი	ქართ. III. 2. მოსწავლეს შეუძლია ლიტერატურული ტექსტების მოსმენა, გაგება და მათი შინაარსის გადმოცემა.   ·         ასახელებს მოსმენილ ტექსტში ასახულ ფაქტებს, პერსონაჟებს; ·         აღწერს და ახასიათებს საგნებსა და პერსონაჟებს თვალსაჩინო ნიშნების მიხედვით; ქართ. III. 4. მოსწავლე ფლობს კითხვის ტექნიკას.     ·         თავისუფლად კითხულობს ნაცნობ და უცნობ სიტყვებს; ·         პოულობს და ხმამაღლა, თავისუფლად კითხულობს მასწავლებლის მიერ მითითებულ ეპიზოდს ნაცნობ ტექსტში; ქართ. III. 6. მოსწავლეს შეუძლია მცირე ზომის სხვადასხვა სახისა და ჟანრის თხრობითი ტექსტების (ზღაპრის, ნოველის, მოთხრობის, იგავ-არაკის, წერილის, ნამდვილი ამბის...)  დამოუკიდებლად წაკითხვა და გაგება-გააზრება. ·         ამოიცნობს პერსონაჟების გრძნობებს; ·         ამოკრებს კონკრეტულ ინფორმაციას (სად, როდის, რამდენი, რამდენჯერ, როგორი, რითი და სხვ.); ·         იმახსოვრებს და საკუთარი სიტყვებით გადმოცემს ტექსტის ცალკეული მონაკვეთის არსებით ინფორმაციას; ქართ. III. 10. მოსწავლეს შეუძლია კითხვის ზოგიერთი სტრატეგიის გამოყენება. ·         განსაზღვრავს და პოულობს ტექსტის იმ მონაკვეთს, რომელსაც უნდა მიუბრუნდეს პასუხის დასაზუსტებლად;  ქართ. III. 12. მოსწავლეს შეუძლია მცირე ზომის ტექსტის დამოუკიდებლად შექმნა და აზრის გასაგებად ჩამოყალიბება. ·         ქმნის სხვადასხვა ჟანრის მცირე ზომის ტექსტებს. ·         ტექსტის შედგენის დროს იყენებს ახლად შესწავლილ სიტყვებსა და ფრაზებს;
	მარტივი/ დარგობრივი საინფორმაციო ტექსტის შექმნა
აქტივობები	პირველი აქტივობა 5წთ გაკვეთილს დავიწყებ საინფორმაციო ხასიათის ტექსტის „როგორ დაარსდა თბილისი“ გახსენებით(ვ.როდონაია „ქართული ენა“IIIკლ.გვ.139-140). რომელ ქალაქზე იყო აქ საუბარი? რა ინფორმაცია გაიგეთ თბილისის შესახებ? მეორე აქტივობა 5 წთ -ტექსტის ხმამაღალი კითხვა წავუკითხავ ტექსტს  ხმამაღლა, ინტონაციის დაცვით. დავუსვამ კითხვებს -რომელ სოფელზეა ტექსტში საუბარი? რა გაიგეთ მის შესახებ? მესამე აქტივობა-ტექსტის ჩუმი კითხვა 8 წთ მოსწავლეებს დავურუგებ ტექსტს და ვთხოვ ჩუმად ,დაკვირვებულად წაიკითხონ. ტექსტიდან გაუგებარი ადგილები შეიძლება შემეკითხონ და ავუხსნი. მეოთხე ე აქტივობა  -ტექსტის გრაფიკული მაორგანიზებლის გაცნობა-და შევსება 10 წთ ერთი მოსწავლის დახმარებით გავაკრავ სქემას  დაფაზე  და მოსწავლეებს ავუხსნი, რომ შემდეგი აქტივობა იქნება მისი შევსება ტექსტიდან ამოკრებილი ინფორმაციის მიხედვით.ხუთ მოსწავლეს წავაკითხებ გრაფიკული მაორგანიზებლის თითოეულ შეკითხვას და შემდეგ მთელი კლასის დახმარებით დავიწყებთ მის შევსებას. დაუზუსტებელი და არასწორი ინფორმაციის შემთხვევაში ვთხოვ ბავშვებს ჩახედონ შესაბამის მონაკვეთს ტექსტში . მეხუთე აქტივობა-მარტივი დარგობრივ/საინფორმაციო  ტექსტის შექმნა 7 წთ მოსწავლეებს ვაძლევ დავალებას გამოიყენონ ტექსტიდან და გრაფიკული მაორგანიზებლიდან მიღებული ინფორმაცია და დაწერონ მარტივი დარგობრივი ტექსტი ვარიანის შესახებ.შეიძლება სათაური ჩვენ შევთავაზოთ(მაგ.იაკობის სოფელი ვარიანი)ან, თვითონ დაასათაურონ ინდივიდუალურად. მეექვსე აქტივობა -პრეზენტაცია 5წთ რამოდენიმე მოსწავლე წაიკითხავს შექმნილ ტექსტს. მეშვიდე აქტივობა- გაკვეთილის შეფასება და საშინაო დავალების დანიშვნა მოსწავლეებს ვთხოვ გამოთქვან მოსაზრება როგორ მოეწონათ გაკვეთილი, რომელ აქტივობას გამოყოფდნენ. 5 წთ საშინაო დავალებად მივცემ დახატონ სოფელი ვარიანი. ისწავლონ ტექსტი თხრობით
რესურსი	იაკობ გოგებშვილის ტექსტი „ჩემი სოფელი“ ჩემთვის და მოსწავლეებისათვის დაბეჭდილი. თაბახის ფურცელი, მარკერი, სკოჩი. სამუსაო რვეული დარგობრივ/საინფორმაციო ტექსტის შესაქმნელად, კალმისტარი
მოსწავლეთა ორგანიზება	მთელი კლასი ,ინდივიდუალური
შეფასება	მოსწავლეებს შევაფასებ შეფასების რუბრიკის მიხედვით